November 29, 2023 : Itu Kohima District Level Awareness program loishey, BHIM-UPI laga Adoption opor tey, Panchayati Raj Institution khan tey para, kuntu toh hoiley Deputy Commissioner laga Conference Hall tey para loishey, Kohima tey, 29th November, 2023 tey.
Tai laga keynote address tey, Kohima laga Deputy Commissioner – Kumar Ramnikant para koishey ki, tatey toh hoiley eku difference nai, central- state- village, itu sob teenta stakeholder khan, majetey, itu sob teenta bhi ekta important role play kurey koi asey, tai khan laga nijey nijey laga jaga tey. Kumar para koishey ki, Panchayati Raj/ Bosti Council toh hoiley ekta pivotal role play kurey, itu nation laga growth nimitey. Tai para itu bhi koishey ki, itu duniya toh hoiley budi asey bishi juldi para sob digital hoi jai kena aru itu nimitey, itu bosti council laga chairman aru secretariat khan ke hudishey, grassroot democracy thakiboley koishey, aru it uke update kuri thakiboley koishey, itu laga hisap tey, agey bari jaboley karney, itu duniya laga alag jaga laga manu khan logotey. Tai para aru hudishey, itu bosti laga representative khan ke, smart hoboley karney, notun system khan operate kuriboley pariboley, eneka hoiley he alag bosti manu khan bhi judi para shikhiboley paribo easy para aru tai khan ke urge kurishey, kiba kibi doubt khan thakiley sapha kuriboley, experts khan logotey para, itu meeting tey para najwa agetey.
Itu BHIM- UPI laga Adoption aru detail khan aru itu laga importance toh hoiley highlight kurishey, itu District Development Manager (DDM), NABARD, – Phoji para, BHIM-UPI chula laga Technical aspects laga opor tey. aru itu laga benefits khan, kuntu toh hoiley itu stakeholders khan ke shamjhaidishey, K. Kanmei para, kun toh hoiley SBI laga Branch Manager asey, Jakhama laga.
VCCs aru VDB Secretaries khan, Kohima District under tey, itu meeting tey attend kurishey. Itu program tey toh hoiley Kohima laga EAC (Dev) – Moasunep Jingru para chairperson buhishey koi asey.
Add Comment