Agencies, 23 September: Wednesday te Prime Minister Narendra Modi para COVID19 cases besi thaka 7 states aro Union territories (Maharashtra, Andhra Pradesh, Karnataka, Uttar Pradesh, Tamil Nadu, Delhi aro Punjab) laga Chief Ministers logode high-level virtual meet loise. PM Modi para desh te monchida bona toh 7 states te khali 60 districts nemide he ase. PM Modi para etu kowa toh covid-19 pandemic te shaijai kena koise. Prime Minister para phal communication thakibole aro rumours phela kelaaf hosiyar thakibole lakiya koise.
Wednesday laga virtual meet te PM Modi para Chief Minister ke district nahoile block level te manu khan logode virtual conference toh 7 din nemide lobole koise. Tai para be states para ami khan best practices te janibo lakibo koise.
Communication lakiya opor te PM koise, phal messaging toh pura kaam laga hoija kelay koile besi phak Covid-19 infections toh asymptomatic howa nemide. PM koise, “Etu situation te rumours toh othibo pari. Manu laga demak te testing beya ase kowa doubts bonabo pari”. Tai para communication komti howa para manu khan be severity of infection te misjudge korikena commit kora thakibo pari koikena hosiyar janaishe.
Testing aro contact-tracing joli thaki kena ami khan phal testing, tracing, treatment, surveillance aro clear messaging te focus kora be othabo lakibo koise.
PM para be jevaan bacha dawai toh ekta state para tusara state te phal para ponjibo nemide eki logode kaam koribo lakae koise.
Add Comment