June 26, 2021. Friday rathi Dhubri district te ekta hardcore dacoit ke mari-thishe koishe. Police para koishe ke, tai police laga hath para pula nemite goole marishe. Khobor hesab te, etu dacoit ke Chapar jaga, Dhubri district te police team khan para thurikena thakishe. Etu operation toh Friday saam etu jaga te dacoits khan thaka khobor powa nemite police para operation korishe. Dhubri superintendent of police Abhijit Gaurav para koishe ke, “ekta hardcore dacoit Sahidul Islam alias Sampatka koikena police para Chapar jaga te police laga hath para pulai jowa nemite mari thishe”. Tai toh besi serious howa nemite elaj nemite hospital te loikena jaishe, koikena etu khobor toh Dhubri superintendent of police para janaishe. Special DGP of Assam, GP Singh para etu khobor toh koishe ke, “police para criminal pulai jowa nemite goole jolaboli olaishe. “purana dacoit Sahidul Islam Sampatka ke Dhubri_Police para pulai kowa nemite goole jolaishe. Police para goole jola toh besi kara criminal thakishe. Tai toh jokom hoikena hospital te loikena jaishe,” koikena GP Singh para koishe.
Dhubri te hardcore dacoit ke police para goole marishe
