Dibrugarh: Salt Brook Academy principal morishe

May 11, 2021. Monday din Salt Brook Academy laga principal, Ajoy Sahu toh Assam Medical College & Hospital (AMCH), Dibrugarh te Covid-19 bemari para morishe koikena khobor toh janaishe. 52 umer Ajoy Sahu ke Covid-19 positive test thura beche Assam Medical College & Hospital (AMCH) te admitted korishe. Sahu toh upper Assam’s Dibrugarh district, Moran jaga te thaka manuh ase. “Sahu ke Covid-19 bemar nemite AMCH te elaj kori thakishe, hoilebi tai logo taro dosura bemari neshina diabetes, hypertension aro chronic obstructive airway bemar thakishe. Aji pujur hospital te elaj kora samai morishe,” koikena AMCH laga superintendent Prasanta Dihingia para khobor toh junaishe. AMCH authority para tai mora khobor toh janai deya beche social media platform te mon dukh kotha leka soruh hoishe. Salt Brook Academy laga students khan para tai toh excellent teacher thakishe aro students khan ke besi morom thakishe koishe. Sunday din dak, Dibrugarh te 2,590 tests kora pithor te 216 notun Covid-19 cases khobor thakishe koishe.