Tinsukia: Grenade blast te minor 1 jun morishe

DIBRUGARH: Tuesday pujur Upper  Assam Tinsukia district,  Kathakathini Jagun te grenade blast hoikena 12 umer 1 jun morishe koishe. Etu minor bacha toh Suraj Hajong aro tai toh Jagun, Kathakathini bosti para thakishe. Khobor para koishe ke, etu grenade toh Kathakathini rasta osor te rakina thaka samai putishe koishe. Eyewitness khobor hesab te, etu minor bacha toh rasta te bicycle para jai thaka samai putishe. “itya dak te ami khan para khobor toh loi ase, aro suspect kora hesab te grenade blast ase. Ami khan para investigation soruh hoishe,” koikena Tinsukia laga Superintendent of Police, Vaibhav Nimbalkar para khobor toh janaishe. Tinsukia  para Nimbalkar aro police team khan etu jaga te jaikena halat toh sia ase koishe. “grenade toh keneka putishe aro kaun khan para rasta te rakishe etu nemite investigation kori ase,” koikena police khobor hesab te janaishe.