April 25, 2024: 25th April 2024 din deh, World Malaria Day program observe kuri shae, Dimapur laka CMO Conference Hall deh. Program tho “”Accelerating the Fight against Malaria for a More Equitable World”, laka theme pitor deh lui shae.
Deputy Commissioner, Dimapur, Dr. Tinojongshi Chang, para taila speech deh healthcare workers kan kehg congratulate kuri shae taikan laka hard work karne aro healthcare aro synchronized global efforts deh sob manu access taki bo lakeh kui nah emphasize kuri shae. Tai para, tai nijor laka malaria experience yat kuri shae. Yat kuri nah, tai para etu tho ekta persistent challenge ase kui shae aro Malaria itia b ekta dangor health jinta ase kui shae, 40 mohina laka upor kam kan kuri nah b.
DC, malaria laka impact deh kotha kura time deh, malaria para bishi sal karne duk aro death cause kuri shae kui shae mosquitoes karne aro malaria ekdum hata bole effort kan lakeh kui shae. Tai para underserved jaka kan deh health issues kan address kuri shae. Pas sal laka pitor deh taka bacha kan, bacha bukia maike kan aro underdeveloped jaka kan face kura health issues deh b kotha kan kuri shae tai. Health outcomes kan improve kuri bo karne tai para, alak alak departments aro civil society kan eki lokot kam kuri bo lakeh kui shae. Tai para mosquitoes nets kan bhak kuri bo lakeh kui shae Malaria laka protection karne. Tai para kun bah issues kan deh awareness kan spread kuri bole lakeh kui shae aro public kan keh b educate kuri bo lakeh kui shae.
Peter Sangtam, DVBDC, Dimapur para Dimapur district laka pitor taka NCVBDC program aro taikan laka activities kan highlight kuri shae. Tai para program laka main vision tho 2027 para Malaria hata bole ase kui shae.
Dr. Limatula Aier, CMO Dimapur, para ekta welcome address deliver kuri shae aro 2030 karne set kura ambitious pre-malaria goals kana chive kuri bo karne collaborative efforts kan lakeh kui nah emphasize kuri shae. Tai para Malaria laka ekdum bia impact tho highlight kuri shae. Tai para etu critical health challenge tho phat address kuri bo lakeh kui shae aro malaria keh combat kuri bo karne alak laka commendable activities kan lui ase kui shae.
Kikolul Khieya, Assistant Director, UMS para Vote of Thanks deliver kuri shae aro Invocation aro benediction tho Wobeni Ezung, MTS, Dimapur Sadar Block, aro Aosungkum, MI para respectively di shae. Program deh ekta felicitation ceremony b taki shae, Dimapur district laka Surveillance Workers (SWs) aro Accredited Social Health Activists (ASHAs) laka outstanding performance kan honour kuri bo karne.
Program tho Dr. A. kavito Zhimomi, DPOCD-I/DSO para chair kuri shae.
Add Comment