April 25, 2024: Mon District kan ‘Accelerating the fight against Malaria for a more equitable world’ laka theme pitor deh World Malaria Day observe kuri shae Town Council hall, Mon, 25th April 2024 din deh.
ADC, Mon, K. Temjennaro Longkumer, para program tho grace kuri shae special guest taki nah. Taikan laka dedication aro kam karne concerned department keh appreciate kura time deh, tai para enaka nishi nah vector borne disease karne sanitation tho bishi zaruri ase kui shae. Tai para jama kura manu kan keh educate kuri b kui shae alak manu kan keh aro mukan laka society deh bhal impact ani bole mun dangor para kam kuri b kui shae.
“Accelerating the Fight against Malaria for a more equitable world”, laka theme deh kotha kura time deh, Edith Douglas School laka Ngipnon para Malaria tho khali ekta health issue nahoi nah ekta Social issue b ase kui shae. Malaria para puila para heh taka inequalities kan keh conserve kuri nah communities kan keh ekta poverty, inequality laka cycle deh basai deh kui shae. Tai para, solidarity aro collaboration kan zaruri ase kui shae Malaria laka against kili bole. Tai para collective action lakeh kui shae Malaria keh hata bole.
Welcome address deliver kura time deh. Dr. Imnapokim, CMO, Mon para Malaria Department laka staffs kan keh taikan laka kam karne appreciate kuri shae. Tai para teen sal karne Mon district kan Malaria deh tkta report b ba nai kuis ahe aro bhal surveillance rakhi bole encourage kuri shae. Tai para bishi wak CHC Mon district kan Blood Collection facilities ase kui shae.
DR. Abenthung Murry DVBO, Mon, para top tuita performing ASHAs aro SWs, kan keh acknowledge kuri shae; Aboi para Chula aro Changalang bosti laka Ephong keh 2024 laka best performing ASHAs declare krui shae. Aro Tizit Block laka PS> Chong aro Mon Sadar laka L. Mongnyei Konyak keh 2024 laka best performing SWs declare kuri shae.
Program tho Manjai Konyak, MTS para chair kuri shae aro bvot of thanks tho Manpong SI para deliver kuri shae.
(M Pelih, IA Mon)
Add Comment