November 12, 2023 : Dimapur laga Deputy Commissioner para bomb phuta toh bon kuriboley koishey, silent jaga khan tey, Khali Komti emit kuria laga aru green crackers khan ke he allow kurishey, itu bhi restricted timings khan tey.
Dimapur laga Deputy Commissioner – Tinojongshi Chang toh hoiley notify kurishey ki, eku fire works khan toh hoiley, phutaboley nadibo silent zone khan tey, kuntu toh hoiley komti koiley bhi 100 meters nishina dur asey hospitals khan para, nursing home khan para, primary aru district health centres khan para, educational institution khan para, court khan para aru religious jaga khan para.
Ekta AIR laga khobor thaka hisap tey, jawa porsu tey ekta order issue kuria hisap tey, itu DC para koishey khali crackers khan kuntu toh hoiley emission komti thaka laga aru green crackers toh hoiley permit kurishey, bikaboley licensed traders khan para.
Itu toh hoiley aru bhi direct kurishey ki, festival laga din khan tey Diwali, Gurupurab khan nishina tey, kitya bomb khan toh chulai thakey, itu same toh he allow kuribo, 10:00 PM tak. Christmas laga Eve aru New Year laga Eve tey kitya eneka nishina firecrackers khan shuru hobo raati phaley, itu toh hoiley 11:55 PM para 12:30 AM tak he permit kurishey.
Add Comment