November 12, 2023 : Deputy Chief Minister – TR Zeliang para koishey ki, “Tribalism aru Sectarianism” toh hoiley bishi majetey ekta major problem hoi kena asey, itu Naga manu khan majetey, kuntu nimitey itu manu khan toh hoiley napari kena asey, match kuriboley, democratic value khan laga higher order logotey.
Itu Naga Students’ Union Delhi (NSUD) laga diamond jubilee celebration cum Nagas Meet tey kotha kuri kena, Saturday tey, Delhi laga Talkatora Indoor Stadium tey, Zeliang para explain kurishey ki, tribalism aru sectarianism para ekta negative attitude banaishey, ekta tribe para alag tribe opor tey aru kotey itu ‘unity’ laga word toh bishi bhak apply kurey tribe khan tey. “Moi khan laga nijey laga dialect, culture, tradition, practices etc. khan ke he favor kurey, aru alag tribes khan ke toh hoiley eku raasta nakhuli diye, kun khan toh moi khan eke logotey itu jaga tey buhi kena asey,” tai para koishey.
Zeliang para koishey, directly nahoiley indirectly itu Naga manu ke politically aru socially effect kuri asey, itu koi kena ki, Naga manu toh hoiley itu nishina setbacks khan toh chariboley lagey, safe future secure kuriboley nimitey.
Add Comment