DIMAPUR, NOVEMBER 12 : Green Shelves koi kena ekta bhal Organic Fruits aro Vegetables laga dhukan toh Monday din Lhomithi Bosti osor, Signal Basti, Saam (Evening) Bazaar te kholise. Etu Green Shelves toh Green Shelves Cooperative Society Based, Dimapur laga kan pora ulabole kurikena ula laga ase. Aro tai kan porahi kam julabole kuri ase koise.
Etu Organic hisabte ula Vegetables (sabji) aro Fruits (dhengaa) kan toh daam besi mange. Kele etu Organic saman kan toh eku dawai kan nathali kena ula laga ase aro etu Organic saman (sabji aro dhengaa) toh Non-Organic saman pora toh khabole aro kao ke besi bhal kuridiya laga hua pora. Etu Green Shelves kan pora etu Organic Sabji aro Dhengaa kan toh Nagaland state laga alak-alak jaka pora ane. Aro etu Organic saman kan alak-alak jaka pora ana toh etu Green Shelves dhukan te bekai. Etu karne edia toh manu kan dur jaka kobi Tuensang, Mokokchung nahuile Zunheboto te etu Fresh Organic sabji aro dhengaa kan kinnibole jabole nalagi koise.
Edi dak toh etu Organic sabji aro dhengaa kan laga daam kan toh Quite Reasonable ase. Aro etu dhukan khola ahkete din te toh manu kan besi bhak toh ami kan Naga manu hi etu sabji aro dhenga kan kinni kena thakise. Huilebi Non-Locals kan toh etu Green Shelves dhukan pora eku saman nakinni kena thakise. Etu Non-Locals kan kinnibole nakura toh etu Organic saman laga daam toh Fixed hua karne nakinna laga ase koise.
Add Comment