Dimapur Tey Door To Door Jai Kena Visit Kuriboley Laga Program Kurishey, Dengue Prevent Kuriboley

September 04, 2023 : Nagaland tey Dengue laga case to bishi para uthi thaka para, District Vector Borne Officer para Chief Medical Officer (CMO) under tey, awareness toh hoiley spread kurishey, itu disease toh prevent kuriboley. Dimapur District Vector Borne Officer para ekta door to door jai kena visit kuriboley program laga step loishey, Spetember 4^th, 2023 tey. Dimapur laga IDSP, Epidemiologist – Dr. Molung Jamir logotey kotha kuria homoi tey koishey ki, itu team toh hoiley door to door visit kuriboley asey, Diphupar A, Medziphema aru Chumukedima tey aru itu toh hoiley lamba muhina laga program hoboley asey. Itu team toh hoiley tai khan kiman parey eman area cover kuriboley asey, koi asey.