Longleng, 30 October: Friday, 29th October 2021 te Minister, Health & Family Welfare, S. Pangnyu Phom para District Hospital Longleng te PSA Oxygen Plant inaugurate korise.
Phom para plant kamiyab hoi kena bona kothom howa nemite kushi powa janaishe. Tai para be etu toh khali etiya nemite he nahoi kena sal nemite ekta step ase koise. Tai para etu toh khali Longleng laga manu nemite he nahoi hoilebe Nagaland laga manu nemite ase koise. Minister para disease na bemari matter nakori sob patient ke thek treatment aro service debo laki koise.
Tai para etu toh Prime minister laga motive ase koise aro sob manu khan ke medical facilities pabo laki koise Government of India, Minister of Health & Family Welfare, state para lakiya based te, sob lakiya facilities deshe koise. Phom para Oxygen Plant te kaam toh engineers & technicians para koribo koise. Tai para be Disaster Management team para sob 6-Unit te generators deshe koise. Etu toh power kami howa case nemite deshe koise.
Minister para Dr, Meren aro tai laga colleagues, staff, CMO, church leaders aro tusara khan ke kushi janaishe kelay vaccination te kaam kaam kora nemite. Tai para be Medical department te koise public khan vaccinated nahowa khan ke joldi lobole nemite monn dangor koribo. Tai para be COVID-19 kelaaf fight toh kothom howa nai koise aro 3rd wave nemite daiyari toh jai ase koise. Tai para doctors, nurses, staffs, NGOs aro civil societies te thank korise tai khan para 1st aro 2nd wave samai ektum dukh kaam kora nemite aro tai khan be gara koribole koise judi 3rd wave ahishe koise.
ADC Longleng, D. Robin; Public Leader, Pukyong Phom aro President, PPC, M. Shami Angh para be programme samai kotha kora thakise. Welcome address aro suru remark toh Medical Superintendent District Hospital Longleng, Dr. Kibangkumba para deya thakise aro vote of thanks CMO Longleng, Dr. Obangjungla para deya thakise. Dedicatory prathana Executive Secretary PBCA Longleng, Tialemba Phom para kora thakise.
Add Comment