Agencies: Khobor hesab te Monday din te Regional Institute of Medical Science (RIMS), Imphal laga doctors aro students khan toh tai khan laga protests toh dusra din tok lagatar kuri kena jaishe.
Tai khan toh Sunday din te strike kura toh suru kurishe. Etu protests kura laga karan toh teenta resident te thaka doctors khan ke mara nimite ase. Etu te ekta maiki doctor ke bhi marishe. Etu doctors khan ke casualty ward te murija manu khan laga parivar aro dusra mob khan para mara nimite ase. Khobor hesa te etu manu toh Saturday din te RIMS laga casualty ward te muri jaishe.
Medical staff khan strike kura nimite RIMS te thaka bishi patients khan opor te eku bhi medical care dibole medical khan khan para mana kurishe. Monduk hoi kena thaka patients khan toh joldi bhal solutions anibole koishe.
JN Institute of Medical Sciences (JNIMS) laga kunba residential doctors khan bhi RIMS laga protests te hissa loishe.
RIMS doctors khan para strike din te koishe ke tai khan opor te hamla kura manu khan ke nodhura tok tai khan toh nijor laga duties khan toh dubara suru nokuribo koishe.
Saturday din te casualty ward te murija manu nimite parivar manu khan toh doctors khan ke etu ghatna nimite inzam lagai ase.
Murija manu laga ekta parivar manu para koishe ke RIMS laga doctors aro students khan toh protests kura laga karan toh tai khan nijor laga negligence lukabole kosis kuri ase.
Add Comment