Agencies: Khasi Hills Autonomous District Council (KHADC) para Khasi Traditional Medicine Institute laga kaam toh khotom kuribole 2020 laga deadline dishe. Etu institute toh Meghalaya laga Lum Sohpetbneng Barapani te banai ase.
Traditional Medicine laga Executive member in-charge Titosstarwell Chyne para Shillong te Council session te house te report rakhi kena koishe ke etu institute toh aha saal te pura hubole genika ase koishe. Etu report toh Monday din te dishe.
Tai para khobor kurishe ke etu project laga pura kimat (cost) toh Rs 5,77,92,000 ase. Aro etu poisa toh Centre para sanction kurishe. Khobor hesab te eku institution pura kuribole laga kaam deri huwa laga karan toh forest clearance pabole nimite deri huwa nimite ase koishe.
Add Comment