July 20, 2024: Thomas Mathew Crooks, gunmen, kun US Presidential candidate Donald Trump keh assassinate kuri bole koshish kuri shae, tai, ekta drone ura bole pari shae aro western Pennsylvania fairgrounds laka aerial footage duri bole pari shae, Trump laka speech nahua time deh. Etu report tho The Wall Street Journal para law enforcement officials keh cite kuri nah kui shae.
Thomas Matthew Crooks, tai, July 13 deh drone ekta keh pilot kuri shae, Butler Farm show grounds keh survey kuri bo karne. Sah isap deh, Thomas Matthew Crooks, tai drone tho bishi par urai shae, event site laka jaka deh information jama kuri bo karne.
Report para Trump campaign para July 3 deh event tho announce kura piche deh, rally site tho research kura shuru hui shae. Olop din piche deh tai farm show grounds tho visit kuri shae, aro research kuri bo karne. Investigators kan para Crooks tho nijor act kuri shae kui nah determine kuri shae. Taikan, Crooks lokot deh strong ideological aro political leanings identify kuri bole para nai. Tai tho taila ama, baba lokot deh bui taki shae aro rkta retirement ghor deh kam kuri taki shae.
