July 21, 2024: Ukraine kan, Russian laka bombs aro drones para taikan laka cities aro troops kan protect kuri bo karne long range weapons kan laki ase, Ukrainian President Volodymyr Zelensky para kui shae Sunday din deh. Etu nah kwa agae deh, ekta dangor drone aro missile hamla hui shae, Ukraine deh. Russia kan, Kyiv laka upor deh taikan laka fifth drone hamla launch kuri shae, tui hapta deh. Ukraine laka military para Ukraine laka air system para sob air weapons kan keh bangai di shae kui shae, capital deh napun cha time deh. Ukraine laka air force para, taikan laka air defense, 30 para 35 drones aro tuita cruise missiles bangai di shae kui shae, kuto Russia para rati deh launch kuri shae. Air force para weapons tho Ukraine laka tostha region keh target kuri shae kui shae. Kyiv laka upor deh kiman drones kan launch hui shae, etu tho bhal para najaneh. Serhiy Popko, Ukrainian capital’s military administration laka head para eku causalities aro dangor damage kan taka nai kui shae. “Khali rati ekla deh, Russian army kan para 40 nishi nah ‘Shaheds” tho chui shae, Ukraine laka against deh. Bishi wak ‘Shaheds’ kan tho mukan laka defenders para girai di shae,” Zelensky para Telegram deh kui shae. Tai para Russian air bases deh Russian bombers keh bangai di bole lakeh kui shae, Ukraine keh air raids para baja bo karne. “Russia terror keh jawab dibo karne mukan laka long-range capabilities kan hui jabo. Mukan keh kun support kureh, taikan terror laka against defense keh support kuri ase,” Zelensky para kui shae.
Zelensky para long-range weapons mangi ase
