Ukraine, 7 May : Two-time European weightlifting champion Oleksandr Pielieshenko Ukraine dey war laga front line dey murishey, Ukrainian Olympic Committee para Monday dey kuishey.
Pielieshenko toh Sunday dey dushman logot murishey, committee para Telegram dey post kurishey. Tai 30 umaar thakishey.
Tai Russia invasion laga agey din dey Ukraine laga armed forces dey join kurishey, committee para halishey.
Pielieshenko toh 2013-15 dey ekta doping suspension para wapis ahina ekta one kilogram para 2016 European under-85 kilogram division jitishey. Tai 2017 dey itu title successfully retain kurishey Split dey.
Pielieshenko toh 2016 Rio de Janeiro Games dey five kilograms para ekta Olympic medal miss kurishey, kutey tai fourth thakishey. Tai 2018 dey ekta second doping violation committ kurishey.
“Bishi afsos para muikhan announce kuri asey ki aji Ukraine sports laga honored master laga heart, two-time European weightlifting champion Oleksandr Pielieshenko, beat kuria rukhishey,” Ukrainian weightlifting federation para Facebook dey kuishey.
National coach Viktor Slobodianiuk para Facebook dey halshey, “War para sobse bhaal khan ke lui. Itu toh Ukraine laga pura weightlifting community karney bishi dangor loss asey. Heroes khan namurey.”
400 logot bishi Ukrainian athletes aro officials itu war dey jaan jaishey.
Add Comment