India, 7 May : Mid-fielder Salima Tete para Thursday dey veteran goalkeeper Savita Punia ke 24-strong Indian mahila laga hockey squad laga captain nishna podli kurishey, FIH Pro League laga Belgium aro England legs karney kuntu itu mahina deri dey shuru huwoley asey.
Navneet Kaur ke itu tour karney tai laga deputy janai dishey.
Savita para itu piche dey India ke failed Olympic qualifying campaign aro pro league matches homoi captain kurishey.
Three padlav barre kurina, itu squad toh itu saal February dey Pro League laga Bhubaneswar aro Rourkela legs karney thakia eki thakishey.
Defender Gurjit Kaur, mid-fielders Sonika and Nisha aro striker Beauty Dungdung ke girai dishey aro Mahima Chaudhary, Manisha Chauhan, Pretti Dubey aro Deepika Soreng para podli kurishey.
Belgium dey matches toh May 22 dey shuru huwo aro May 26 dey khotom huwo, kitia England leg toh June 1 dey shuru huwo aro June 9 dey khotom huwo.
India toh first leg homoi Argentina khilaf khilibo, aro Belgium logot tuibar, May 22 dey shuru kurina Argentina laga khilaf.
Indian mahila laga Hockey squad: Goalkeepers: Savita, Bichu Devi Kharibam
Defenders: Nikki Pradhan, Udita, Ishika Chaudhary, Monika, Jyoti Chhatri, Mahima Chaudhary.
Midfielders: Salima Tete (C), Vaishnavi Vitthal Phalke, Navneet Kaur (VC), Neha, Jyoti, Baljeet Kaur, Manisha Chauhan, Lalremsiami.
Forwards: Mumtaz Khan, Sangita Kumari, Deepika, Sharmila Devi, Preeti Dubey, Vandana Katariya, Sunelita Toppo, Deepika Soreng.
Add Comment