November 9, 2023: District Planning & Development Board (DBDP) Dimapur laka monthly meeting tho Deputy Commissioner’s Office laka Conference Hall deh lui shae November 7, 2023 deh. Etu meeting tho Advisor for Labour, Employment & Skill Development, Excise and DPDB Dimpaur laka Chairman, Moataoshi Longkumer para chair kuri shae.
Meeting laka shuru deh, Longkumer para Dr. Tinojongshi Chang NCS keh warm welcome ekta di shae. Dr Tinojongshi Chang tho Dimapur laka newly appointed Deouty Commissioner ase.
Meeting lua time deh, Dr. Chang para sob members kan keh eku lokot kam kuri nah District Administration keh support kuri b kui shae district laka overall development karne. Tai para Mock drill kuto NSDMA para organized kuri shae, etu bhal para kotom kuri dia karne kushi deh ase kui shae department kan lokot.
Meeting time deh, Chief Medical Officer (CMO) para Dimapur deh Dengue laka situation kinaka ase, etu laka report di shae. Tai para attendees kan keh saman kan kuto disease combat kuri bole ani shae, etu laka update kuri shae. CMO para DPDB member kan keh b gratidue dikai shae taikan blood donation camp deh contribute kura karne.
Dimapur Municipal Council (DMC) laka Administrator para Dimapur deh CCTV camera kan dali boleh kotha kan kuri shae. Etu laka upor deh nalaga cable kan hata bole kotha kuri shae.
DPDB para Local Area Development Program (LADP) 2023-2024 karne Verification Committee laka formation b approve kuri shae. Taikan para ekta No Objection Certificate karne proposal b Department of Higher Education keh forward kuri shae.
Add Comment