Headlines • Nagaland

Nagaland Municipal Bill 2023 laka kotha kan

November 10, 2023
32 Views

November 9, 2023: 14th Nagaland Legislative Assembly laka Third Session tho NLA Secretariat Assembly Hall deh lui shae 9th November 2023 deh.

“Nagaland Municipal Bill 2023” laka discussion deh, Deputy Chief Minister aro Select Committee laka Convener, TR Zealing para tai bill support kureh kui shae. Tai, Chief Secretary, Department officials Apex Civil Society Organization aro committee laka alak elected members kan lokot kotha kuri nah, taikan Assembly deh bill tho pass hobo leh recommend kuri shae.

Bill deh maike kan karne 33% reservation taka tho tai kushi deh ase kui shae. Tai para etu tho maike kan keh Urban Local Bodies laka elected representative hoboleh motot kuri bo kui nah biswas deh ase kui shae. Tai para maike kan keh etu bill tho support kuri b kui shae.

Etu heh nahoi nah Zealing para public sob keh etu bill tho support kuri b kui shae. Tai para etu bill tho towns kan laka all-round development karne zaruri ase kui shae.

Nationalist Congress Party (NCP) laka Er. Picto Shohe b kotha kan deh participate kuri shae aro bill para kushi ase kui shae. Tai para etu bill tho khali maike kan heh nahoi nah pura state karne bhal hobo kui shae.

JDU laka Jwenga Seb b discussion deh participate kuri shae. Tai para etu bill tho gender equality achieve kuri bo karne zarari ase kui shae. BJP laka Imkong L Imchen bill keh support kuri shae. NPP laka Nuklu Toshi para Naga political leaders kan lokot kushi deh ase kui shae taikan etu bill laka importance tho jania karne.

K.G Kenya para etu din tho red-letter day ase kui shae sob tribal bodies, civil society organization aro Nagaland Legislative Assembly laka 60 members karne kun Nagaland Municipal Bill 2023 support kuri shae. Tai Chief Minister Neiphiu Rio lokot kushi deh ase kuji shae etu bill para gender equality ani dia karne.

Alak participants kan tho etu kan taki shae: Achumbemo Kikon (NPF), Dr Sukhato A Sema (LJP), Kevipodi Sophie (Independent), Y Lima Onen Chang (RPI), and T N Manen (NDPP). Rio para sob members kun etu discussion deh participate kuri shae aro taikan laka views kan share kuri shae, taikan keh taila gratitude di shae.