DIMAPUR,OCTOBER 10,2019: Dimapur District Planning & Development Board laga monthly meeting toh DC’s conference hall 10th October 2019 te DC & Vice Chairman, DPDB, Dimapur, Kevekha Kevin Zehol para loishe.
Grace aro Care Foundation Zhimomi Automobile Building 3rd mile Vhekiye gate, Chekiye Village osorte registration aro Grace Mission School laga upgradation aro New Residential school Doyapur Village, Dimapur khulibole thaka toh sai ase aro recommend kurishe aro etu te RO Water Manufacturer aro Supplier Association United North Block Sec A, Burma Camp, Dimapur laga registration bi approve kurishe etu bi certificate khan verification kura pichede .
St. Mary of Angels Society, BZ Entertainment (Drama and Film Society) of Nagaland, Japu Welfare Society registration laga agendas khan kotha khan kurikena verification report uporte approved kurishe.Etu house khan aro bi manishe City-Tech Computer Institute, Dimapur laga registration aro etu logote Word of Faith Ministry laga registration toh diri kuridishe next meeting nimete aro bi etu society laga khobor mangikena. New Government Primary School at P.Vizheto Village, Niuland Sub-Division khulibole nimete kotha kurikena house para approve kurishe.
Etu meeting te Board khan para Verification Committee LADP 2019-20 aro Technical Committee for Iconic Projects LADP 2019-20 bithor te olaishe.
Horticulture department khan para tai khan laga activities laga PowerPoint presentations dishe district te aro DAPCU para Nagaland laga HIV/Aids scenario uporte kotha kurishe meeting te .
Add Comment