MOKOKCHUNG,OCTOBER 10,2019: Mokokchung District Mental Health Programme Mokokchung District Legal Services Authority khan logote milikena ekta programme “World Mental Health Day” Ongpangkong Salang, Mokokchungon 10th October 2019 te loishe.
Assistant Commissioner, Mokokchung, Rohit Singh para gathering khan logote kotha kura time te suicides laga factors uporte kotha kurishe .Tai koishe bishi bak enika hadsaa hoi thakeh etu bi juwan manu khan logote domestic violence,employment nathaka nimete ,studies karne pressure kura ,frustration,depression aro society te neglect kurikena thaka aro society khan laga kotha khan najana nimete ase.
Etu nimete enika hadsaa khan nohobole dibole nimete Singh koishe ami khan manu khan ke janaidibole lageh jeevan ke kinika khushi para buibo aro isor ke bisaribole lageh negative impacts of life nimete .Etu issues khan toh complex ase aro community huwa nishena ami khan akhe jaikena etu manu khan ke saikena bhal para sabole lageh kun khan psychological aro dusra dikdaar khan ase .
Tai koishe ama aro baba khan ekta bhal role play kuribole lageh bacha khan laga adat khan janikena situation toh janibole lageh .Depression ke ladai kurikena ami khan nijor nijor mon dangor kuribole lageh Sports, Music, Yoga etc te interest dibole nimete .
District Mental Health Programme (DMHP) and Mokokchung District Legal Services Association (MDLSA) laga representatives khan para theme uporte speech dishe aro CMO Mokokchung, Dr. Chubala para keynote address dishe . Pastor, Artang Ward, Bendang Longkumer para invocation prayer diseh aro Bendangsenla PLV para etu programme loishe .
Add Comment