Kohima, 03 December: Hornbill Festival laga part hesab deh, Monday din NDBA Hall, Naga Heritage Village, Kisama jaga deh, Naga renowned poet, writer & journalist, Monalisa Chankija laga book titled “Middles” toh NBCC General Secretary, Rev. Dr. Zelhou Keyho pora olaise. Changkija pora “Middles” toh story-telling laga ase, hoilebe fiction nahoi koikena janaise. Book suru (inagurate) kora time deh tai pora kowah toh, literature toh etu pora othibo lagi aro manu khan etu pora putli hobo lagi. Tai aro kowah toh, writers aro poets toh khali aji-kali ekala nahoi kena ahhibole din time debe jawab debole para laga hobo lagi. Programme laga chairperson Dr. Avinuo Kire pora Monalisa Chankija laga olob kotha janaideya thakise. Tai pora North East deh Monalisa Chankija toh English Daily ‘Nagaland Page’ laga editor, proprietor aro publisher thaga toh ekala maike ase koikena janaise. Tai ke 2009 Chameli Devi Jain Award powah toh Outstanding Woman Mediaperson nemide ase. December 14, 2009 deh tai logode Poetry Society of India pora 25 sal laga Poetry award dese. Etu toh tai Nagaland deh ektum phal pora poetry deh motob kora pora ase. Naga Students Union, Delhi pora be tai logode NSUD Inspiration Award 2013 deya thakise. Tai logode Nagaland Governor’s Award toh Jan 26, 2014 deh powah thakise. April 26, 2014 deh FICCI Ladies Organization, Norttheast Chapter pora be tai logode 2013-2014 sal laga 30th FICCI Woman Achiever deya thakise. Aji kali tai laga poems toh Nagaland University deh, under graduate aro post graduate English courses deh hekhai ase. Nagaland Board of School Education pora be tai laga poems toh Class IX karni karni Alternative English course loikena ase. North East Hills University pora be M. Phil course khan nemide tai laga kunbah poem loikena ase. Monalisa Changkij pora be Dr. Asangla Tsudir, editor of Heritage Publications aro Rev. Dr. Zelhou Keyho logode thanks janaideya thakise.
Add Comment