Dimapur, 13 August 2026: Dimapur Urban Council Chairmen Federation (DUCCF) khan pra 23 elected ward councillor ke koishey Dimapur Municipal Council (DMC) laka active responsibility lubo leh solid waste management karne, stress kuri shey ki effective waste management toh grassroots level te shuru hubo leh lageh koina. Media ke Hotel Saramati te adress kuri kina Dimapur te Wednesday din te, DUCCF president Zasivikho Zakiesatuo pra koishey municipal elections Dimapur te kura duita decades pichideh greater responsibility hali shey nutun elected councillor opor te. Tai pra koishey DUCCF toh bishi meeting kuri shey waste management opor te aro stressed kuri shey ki councillors khan lead lubo lageh ini Dimapur toh comply kuribo lagi leh Solid Waste Management Rules, 2016 lokot te. Waste segregation opor te, Zakiesatuo pra koishey process toh shuru hubo lageh household te aro colony level te, khali segregation plant laka establishment ekla view nahoi kina. Tai koishey schools, institution, government offices aro sop sections society laka role ase play kuribo leh. Tai koishey, Waste segregation toh succeed nahubo ini solely chari dileh colony GBs aro councillor khan ekla ke. Urge kuri shey councilor khan ke house to house sensitisation campaign conduct kuribo leh aro closely kam kuribo leh colony level leaders khan lokot. Tai koishey DUCCF representatives khan alak alak cities te jaishey waste management system study kuribo leh aro jani paishey ki effective implementation toh shuru hoi grassroots level te he. Zakiesatuo pra concern b uthai shey penalties opor te Solid Waste Management Rules under te, koishey fines toh substantial ase.
DUCCF stricter waste management karne koishey
