Dimapur, 13 August 2026: Nagaland Health & Family Welfare minister P Paiwang Konyak pra Wednesday din te aro result-oriented approach karne koishey state laka HIV response te, koishey Intensified Information, Education and Communication (IEC) Campaign 3.0 laka success toh measure kuribo lageh jaan kiman bachai shey pra, program kiman conduct kuri shey nahoi kina. State level launch te khota kura time te campaign laka HIV opor te aro sexually transmitted infections opor te Agri Expo te, International Youth day lokot coincide hoi kina, Paiwang pra koishey Nagaland continue kuri ase significant HIV challenge face kuribo leh, tadeh estimated 23,470 manu thaki ase HIV lokot. Tai pra koishey state laka adult HIV prevalence toh khara thaki shey 1.37 percent te, second sopse highest country te Mizoram pichideh. Dimapur sopse highest positivity record kuri shey 3.2o percent te aro etu pichi te Noklak 3.0u percent te. Aro Chumoukedima 2.01 percent te. Paiwang hoileh b highlight kuri shey progess, cite kuri shey 39.97 percent reduction nutun HIV infection te aro 80.21 percent decline AIDS-related death te 2010 hoi kina. Tai koishey figures dikhai ase prevention, early diagnosis aro consistent treatment khan result show kuri ase koina. IEC campaign laka third round te, tai koishey state toh beyond move kuribo leh awareness program conduct kuribo leh aro outcomes te focus kuribo leh- manu khan ke encourage kuribo leh HIV testing jabo leh, timely treatment pabo leh aro stigma aro discrimination overcome kuribo leh. Paiwang pra stressed kuri shey need efforts khan intensify kuribo leh triple elimination towards te mother-to-child transmission HIV laka, syphilis aro hepatitis B, koishey sop pregnant maiki toh access thakibo lageh testing ke aro timely intervention te.
Paiwang results-driven HIV response karne koishey
