Dui Din Laga Census 2027 Training Khotom Hoishey, Chumoukedima Tey

April 19, 2026: Ekta dui din laga District aru Charge Officer training programme successful para conduct kuriboley parishey, Census 2027 opor tey, 18 April, 2026 tey. Chumoukedima laga Deputy Commissioner – Polan John, NCS, para tai laga address tey, state kurishey ki, itu district toh hoiley bishi alag alag crucial task khan lok paboley pari asey, itu census operation laga homoi tey. Tai para mutual support aru official khan majetey coordination kuriboley lagi asey , successful para itu exercise toh execute kuribo pariboley. Itu programme laga second din tey, field level implementation aru operational procedure khan opor tey focus kurishey. Self enumeration process khan, bosti town, aru charge registrar khan laga tyaari, aru detailed training census procedure khan, concept khan, aru definition opor tey, session khan cover kurishey. Official  khan ke Household Census Handbook (DCHB) questionnaire item khan opor tey khata para kotha kurishey, clarity aru accuracy ensure kuri kena data collection laga homoi tey. Aru itu logotey, participant khan para hands-on training receive kurishey, itu District Census Handbook (DCHB) process opor tey, itu web portal aru mobile application through para, tai khan laga familiarity enhance kuri kena, digital tool khan logotey, efficient aru streamlined data management nimitey.