Naga Maiki Ekta Ke Bonduk Dikhai Kena Saman Chor Kuri Kena Loi Jaishey, Ekta Mask-Lagai-Kena Thaka Manu Para, Aokong Colony, Dimapur Tey

April 19, 2026: Naga maiki ekta ke kunba mask-lagai kena thaka manu para sham phaney bonduk dikhai kena saman chor/looti kena polaishey. Itu mask lagai kena thaka manu toh hoiley dark-grey color laga scooty para ahi kena helmet bukhi thaki kena, itu Naga maiki jai thaka homoi tey eneka biya kaam kurishey. Itu ghatna toh hoiley 05:22 PM tey nishina hoa laga asey koi asey, April 13 tey. Itu maiki laga purse tey ₹900/- cash thakishey, tatey PAN, Aadhaar, ATM Card khan & Driving License khan bhi thakishey koi asey, kuntu toh joborjosti para gunpoint tey rakhi kena loi jaishey. Itu looti kena loi jawa purse toh hoiley pichetey, Tuesday Bazar Area osor tey para kunba pai loi kena Aokong Colony Council ke di dishey koishey. Suspect toh hoiley ash-blue T-shirt bukhi kena thakishey, tai toh 5.4 ft laga mota manu asey koi asey, chamra laga color toh kala nishina asey koishey.