Agencies:Fusur te Saudi Crown Prince Mohammad bin Salman para kingdom te thaka Pakistanis khan nimite ami khan ke hoile bhi kuribo kosom diya te Information Minister Fawad Chaudhry para announce kurishe ke MBS para dui hazar (2,000) Saudi jails te thaka Pakistani kaidi khan ke charibole order dishe.
Prime Minister Imran Khan para MBS ke khas (special) request kurishe ke kingdom te thaka Pakistani labourers khan duk kura toh sabole koishe aro tai khan ke toh nijor manu genika he sabole koishe. Etu kotha toh Saturday rati te Prime Minister Imran Khan laga PM ghor te crown prince nimite ceremony rakha te etu kotha kurishe.
PM Khan koishe Saudi Arabia te teen hazar (3,000) genika kaidi khan ase koishe. Pm Khan koishe aro moi etu upni laga mon te rakhibole dibole mon ase ke etu manu khan toh dhuk manu khan ase. Kun tai khan laga families khan chari kena tate kaam kuribole jai kena ase.
Etu toh Prince Mohammad toh prine crown kura pichete tai laga first state visit ase. Saudi Arabia toh Pakistan logote alak alak field te $21 billion genika laga agreement sign kurishe. Etu toh power production, oil refinery laga establishment aro petrochemical plant, sports promotion aro standardisation sector te technical assistance khan nimite ase.
Add Comment