SEOUL: Monday din te state media koishe North Korea toh tai khan laga “significant aro historic turning point lok kuribole ase. Etu toh Donald Trump aro Kim Jong Un majote hubole thaka second summit laga agay te huboe ase.
Etu meeting toh duita leader majote etu dusra bar hubole ase. Jua bar laga summit meeting toh Singapore te June moina te hoishele. Etu bar laga second summit meeting toh Hanoi, Vietnam te February 27-28 tok te hubole ase.
Dehan toh sob tate jai kena as eke US team para North Korea laga economic sanctions toh uthabole nimite modot kuribole na nai. Etu toh Pyongyang para denuclearization kuribole pura kadam luwa laga return nimite hubole lagi ase.
Rodong Sinmun newspaper editiorial te koishe ami khan laga desh toh significant aro historic turning point samay te ase.
Etu moina agote US President Donald Trump tweet kuri kena koishe ke North Korea toh joldi he Kim laga nichete ekdam dangor Economic Powerhouse hoi jabole ase.
Trump koishe hoile bhi etu ketiya hubo etu para moi ke arsorit kuri na dibo. Keli koile moi tai ke janibole parishe. Aro tai keman pare etu moi janibole parishe.
Rodong Sinmun commentary para North Koreans khan ke desh laga economy uthabole nimite bishi efforts lagabole koishe.
Add Comment