Duijun suspend huwa Assam Congress leader tu : Matia block laga Congress president Aynul Hoque Choudhury aro Goalpara Mahila Congress president Afruza Begum asey.
Congress party laga ekta suspension order te enaka likhikina thakisey “Media te news ola hisap te, Goalpara East MLA, Shri AK Rasheed Alam, Goalpara DCC laga under te thaka Matia Block Congress President Shri Aynul Hoque Choudhury aro Goalpara district Mahila Congress President Srimati Afruza Begum para BJP sarkar para sponsor kora rajneetik programme Amrit Kalash Yatra te bhag loisey.”
Etu suspension order te enaka bi likhikina thakisey, “ Matia BCC President Shri Aynul Hoque Choudhury aro Goalpara District Mahila Congress President Srimati Afruza Begum ke logalog Congress party para suspend kuridisey.”
Aro koisey , “ Government para sponspor kora PR Programme te bhak loikina apni duijun para Party laga eman dangor nuksan kurisey aro lakho Party worker khan ke disillusioned kurisey.”
Assam Congress para etu 3jun leader ke Amrit Kalash Yatra te enaka homoitey bhag luwa nimitey criticize kurisey jitya Assam laga Chief Minister para public te Srimati Sonia Gandhi thaka jaga, 10 Janpath ke jolaidibole koisey, Congress leader Shri Rahul Gandhi laga DNA opor te sawal uthaisey aro Shri Rahul Gandhi laga picture ke Ravan laga roop te circulate kurisey.
Reports hisap te, etu homoitey, Assam laga Congress MLA AK Rasheed Alam para disciplinary action jhelibole asey.
Add Comment