Agencies:Etu hafta te World Health Organization para annual report release kurishe. Report hesab te manu khan laga health laga sob para dangor threat toh hawa laga pollution aro climate change ase.
UN body toh duniya pura laga health standard monitor kora te dihan de. Aro health emergencies interventions kora te UN laga dangor part ase. UN 2019 te etu opor te action lubole notun panch saal launch kurishe.
Hawa pollution toh sob para dangor chinta hubole laga source ase. Etu te UN koishe duniya laga 90% population toh etu te hodai din expose hoi thake.
UN laga estimates hesab te hodai saal etu haqwa pollution nimite 7 million manu muri thake.
Hawa pollution para bishi affect huwa jaga khan majote eastern Mediterranean region ekta ase. Estimate hesab te eastern Mediterranean region te hodai saal 493,00 manu khan muri thake. Etu mura toh biya hawa te manu khan hodai expose huwa nimite ase. WHO para etu kotha toh 2018 report te koishe.
Khobor hesab te hawa biya para stroke, heart disease, lung cancer, chronic obstructive pulmonary diseases aro respiratory infections, pneumonia hubole bishi dangor risk ase.
Israel aro dusra desh khan toh etu hafta te he ekdam biya dust storm face kurishe. Etu dust storm toh eastern Mediterranean te deep depression huwa nimite ase. Etu nimite Egypt para Israel te dust movement hoishe.
Hoile bhi manu para bana pollution toh sob para dangor haath ase etu pollution te. Pollution laga primary case toh fossil fuels jula nimite ase.
UN organizationpara climate change laga associate dangers laga warning bhi dishe.
Etu hafta laga report warn kurishe ke 2030 aro 2050 majote climate change nimite ek saal te aro 250,000 manu muribole expect kuri ase. Etu toh malnutrition, malaria, diarrhoea aro heat stress nimite hubole ase.
Aro dusra duniya laga health concerns te WHO para noncommunicable aro communicable diseases, aro duniya laga flu pandemic against te warn kurishe.
Add Comment