OUAGADOUGOU:Wednesday te Security Minister Clement Sawadogo koishe ekta Canadian national Burkina Faso jaga te kidnap kurishe. Budkina Faso te government para jihadist hamla uthi thaka laga warning de kena thakishe.
Sawadogo koishe Canadian mota toh Tuesday te 7:45pm genika samay te kidnap hoishe. Canadian mota ke dozen hatiyar dhura manu para mining site para kidnap kurishe. Etu mining site toh Vancouver te base thaka Progress Minerals para own kure. Etu jaga toh northern Burkina Faso Niger logote border kuri kena thaka osor te ase.
Progress Minerals chief executive Adam Spencer etu ghatna opor te comment dibole mana kurishe.
Sawadogo koishe etu ghatna logote aro ekta Canadian mota aro Italian maiki etu moina agote haraishe. Ami khan etu manu khan ke bisaribole sob security manu khan ke alert kuri dishe.
Olop moina agote para Islamist militants para desh te hamla kora toh bishi hoi jai ase. Aro etu nimite Burkina Faso toh kunba northern provinces te December 31 para emergency state declare kurishe.
Jua teen saal para Burkina te security geri ase. Etu toh jihadists khan al Qaeda aro Islamic State logote meli kena thaka nimite ase. Tai khan samnay jaga Mali te thaki ase. jihadists khan tai khan laga influence Sahel region te uthabole bisari bole ase. Sahel region toh West Africa laga Sahara Desert laga south te he ase.
Etu laga jawab de kena United States, France aro dusra European powers laga international forces khan threat hatabole troops aro equipment pothaishe.
Tuesday laga kidnapping toh capital Ouagadougou laga centre te thaka hotel te hamla hua laga third anniversary te hoishe. Etu hamla te dozens manu khan murishe.
Etu ghatna laga same din te militants khan Australian doctor aro tai laga maiki ke kidnap kurishe. Tai khan duijon bhi tai khan laga 80s te thakishe. Doctor laga maiki toh olop deri pichete chari dishe.
Islamic Maghreb te huwa hamla toh Al Qaeda para claim kurishe.
Jua saal ekta coordinated militants para Ouagadougou te army headquarters aro French Embassy te hamla kurishe. Etu hamla te atha manu murishe aro dozens manu jokom hoishe.
Add Comment