Moscow: Monday din Russia para duniyaa pura te 1.5 million manuh ke Sputnik V coronavirus vaccine thishe aro etu Kremlin para geopolitical kam nemite ase koishe. Russian Direct Investment Fund (RDIF) para Sputnik V coronavirus vaccine bona te financed korishe aro vaccine toh bakh kori thishe. “ami khan para Russia te keman aro dosura desh te keman dishe koboli napare”, koikena RDIF spokesman Arseny Palagin para koishe aro tai para dosura desh khan para data toh alag release koriboli koishe. Jaa sal August moina te duniyaa pithor te Russia toh vaccine register koriboli first desh ase, dosura desh logot besi moina para akhe hoishe aro Moscow laga vaccine toh billion neshina bahar te mangkina ase. Health Minister Mikhail Murashko para etu moina te koishe, 8,00,000 oper Russian manuh Sputnik vaccine paishe aro duniyaa laga 147 million manuh neshina pithor te 1.5 million toh bakh hoikena ase koishe. Hoilebi, Moscow laga virus statistics aro health officials pithor te jamila ase keli koile bemari para manuh mora toh puila logot 4 paar para besi hoikena ase. Russia health minister laga advisor para koishe, hafta pura World Health Organisation logot kotha kora samai, Sputnik toh emergency situations te joboli toh January 20 darik para soruh koribo koishe. Kotha kora te Sputnik V toh WHO’s emergency samai jolaboli manishe aro etu kaun desh te vaccine paboli dukh hoi ase etu khan logot thibo koishe. Jaa moina akhe para Russia te coronavirus second wave para besi dukh hoikena ahishe hoilebi Kremlin para bemari soruh kora samai restrictive measures loboli rokaikena ase. Russian officials para koishe, olop din akhe para hotai din laga notun cases toh komti hoi ase aro etu 20,000 neshina te komti hoikena ase. Monday din authorities para kowa toh sob meliakena 3,425,269 bemari cases aro etu oper te 62,000 manuh morikena ase koishe.
Add Comment