WHO team China te jaboli ase

January 11, 2021. World Health Organization (WHO) laga international experts khan China te Covid-19 bemar ola nemite January 14 darik te pongchibo koishe. Experts team khan toh 10 jun manuh hoikena jaa sal December 2019 Wuhan province China te bemari ola nemite investigate soruh koribo koishe. Etu duniyaa te desh besi khan toh bemari cases othi thaka nemite besi dukh hoi ase, etu oper te notun mutant Covid-19 strain nemite. China khan toh itya bemari toh control te anikena ase. WHO team khan deri kora toh Chinese authorities khan para authorization nakora nemite ase koikena khobor para janaishe. China National Health Commission para international team khan ahiboli darik toh janaishe, hoilebi tai khan laga visit nemite eku khobor detail te kowa nai. Foreign countries khan para akhe te aro itya be China khan para Covid-19 virus khobor lokai thaka nemite putnam kori ase, tai khan para duniyaa pura te virus toh phile thishe koishe. Hoilebi, China laga foreign ministry para koishe, desh khan “naboja nemite” ase. United States para kisa aro kotha sob investigation kora sami kula-kuli hoboli koishe aro WHO laga konuba kam nemite Chinese scientists khan ke first phase te research koriboli deya nemite putnam dishe. Etu samai, Beijing para duniyaa logot bemari toh kenika aro kaut para soruh hoishe kuboli mon ase. Chinese government para koishe, studies hesab te duniyaa besi te bemari toh soruh korishe.