Russia te UK laga coronavirus bemar first case paishe

Moscow: Sunday din Moscow te notun UK coronavirus strain laga first case toh paishe koikena junaishe, etu akhe te officials khan para Britain para Russia laga fights toh bondh koriboli fesla loikena thakishe. UK para Russia te aha ek jun manuh logot notun bemari toh thurishe, koikena Russia’s health regulator head Rospotrebnadzor para state-run television logot koishe. Watchdog head Anna Popova para koishe etu manuh ke ketai coronavirus positive toh tested korishe aro ke nemite thurishe khobor toh janai deya nai. B117 coronavirus strain toh first jaa sal southeastern England para olaishe koikena bapana ase aro etu beche duniyaa pura te etu bemari toh paishe. Moscow te officials khan para December moina te flights toh bondh korikena ase, etu oper te notun bemari ola nemite dosura desh khan para be bondh korikena ase. Duniyaa te Russia te be bemari cases toh besi hoikena ase. Sunday din te officials khan para koishe, sob melaikena 3.5 million cases hoikena ase. Jaa moina Health officials khan para koishe, desh te virus cases toh puila logote besi hoikena ase, etu nemite duniyaa pura te Russia toh sobse beya cases te third te ase. Kremlin para besas as eke tai khan laga desh te bona Sputnik V vaccine para bemari logot larai korikena lockdown hoshari kam toh jai thakiboli janaishe.