January 11, 2021. Rescuers khan para passengers laga body parts toh plane crashed kora jaga Jakarta osor Java Sea te othaishe. Rescuers khan para crew members aro passengers laga kapra dokura aro plane laga saman toh Sunday pujur sea para othaishe koishe. “manuh laga body parts aro plane laga saman toh paishe”, koikena Trisula coast guard ship laga commander Captain Eko Surya Hadi para janaishe. Authorities khan para aro tuita back boxes crashed kora Sriwijaya Air flight 182 (SJ182) laga toh paishe. Black boxes toh be crashed kora jaga Java Sea osor te paishe aro etu oper te aircraft laga saman be paishe. Saturday din SJ182 flight laga Black boxes powa toh besi tangor kotha ase aro etu para janibo. Etu samai Indonesian President Joko Widodo para “besi mon dukh howa janaishe” aro citizen khan logot manuh khan be paboli parthana koriboli koishe. Indian Prime Minister Narendra Modi para be mora manuh laga ghor manuh khan logot mon dukh kora janaishe. “Indonesia plane crash koiken amora manuh laga ghor manuh khan tangor mon dukh kora janai ase. Indonesia tem on dukh howa samai India laga manuh khan be othi ase,” koikena Prime Minister Narendra Modi para junaishe. Indonesia laga Sriwijaya Air Flight 182 toh 62 passengers thakina crashed hoishe. Plane toh Indonesian capital Jakarta para orikena Air Traffic Control (ATC) logot contact harikena pani te crashed hoishe. Sriwijaya Air, Boeing 737-500 toh 10,000 feet oper samai te hari jaishe. SJ182 flight toh Jakarta para West Kalimantan province Pontianak te jai thaka samai crashed kora ase. Saturday sham te Indonesian plane crashed kora laga saman toh Java Sea te rescuers khan para saboli parishe.
Add Comment