Kolkata, 2 July : 135th Edition laga Durand Cup July 25 din Kolkata te shuru hobo aru August 23 tak Kolkata, Ranchi, Imphal, Shillong aru Guwahati te khelibo.
Kolkata phir tournament laga main hub hisab te thakibo. Opening match, duita quarter-finals, ekta semi-final aru final Vivekananda Yuba Bharati Krirangan aru Kishore Bharati Krirangan te hobo.
Jharkhand laga capital Ranchi first time Durand Cup host city hisab te join koribo. Birsa Munda Stadium te July 26 pora August 16 tak league matches aru ekta quarter-final khelibo.
Tournament te Indian Super League clubs, I-League teams, Services teams, emerging domestic outfits aru overseas teams khan participate koribo.
Sri Lankan Armed Forces laga Defenders FC aru Meghalaya Premier League champions Nongkseh Sports, Social and Cultural Club etu saal tournament laga debutants majote ase.
