New Jersey, 2 July : Kylian Mbappe phir ekbar nijor class dikhaina duita goals kori France ke Sweden uporte comfortable 3-0 victory anise aru Round of 16 te qualify kori dise.
Bradley Barcola bhi goal scorer khan majote thakise, aru Les Bleus FIFA World Cup 2026 te nijor perfect start continue kori ase.
World Cup history te, France first nation bani jai ase juntu lagatar panchta matches te komti hoile bhi tinta goals kori ase.
Mbappe etiya FIFA World Cup all-time leading scorers list te outright second place te uthi jai ase. Tai duita goals kori nijor World Cup tally 18 goals tak loi jai ase.
Etyia tai Miroslav Klose pora duita goals age ase aru Lionel Messi pora khali ekta goal pichete ase. Agla kunba din te etu top scorers list te aro bodol ahibo pare.
Didier Deschamps laga side first half laga bishi somoi attack kori thakise, kintu breakthrough ahise ketia Mbappe box bhitor brilliant footwork dikhai ball tu corner te marise.
Second half te Sweden comeback koribo kuina thaka hopes khub turunt khotom hoi jaise.
Michael Olise ekta bhal through pass diya Bradley Barcola ke second goal koribole help korisey. Pichete Olise phir ekta delicate pass diya captain Mbappe ke setup korisey, aru tai cool finish logot nijor second goal korisey.
Etu goal logot Mbappe World Cup knockout stages te 10 goals laga record bhi hasil korisey.
France etiya seventh time World Cup laga Round of 16 te ponchise. Age tai khan 1986, 1998, 2006, 2014, 2018 aru 2022 te bhi etu round te ponchise.
Brazil (11) aru Argentina (Round of 32 age 5) pora pichete, France laga consecutive Round of 16 appearances laga streak sob pora bhal majote ekta ase.
Etyia France July 5 din Philadelphia te Paraguay logot Round of 16 match khelibo, aru lagatar third World Cup final te ponchibole target kori ase.
