Tripura May 6: Tripura Police Durga Prasanna Deb laga murder case deh West Bengal laga thaka manu ekta ke arrest kurishey. Tai laga naam toh Birchakra Ghosh ase aro tai toh social club secretary laga murder case deh involvement ase koina koi ase.
Deb ke Agartala laga Hati Para area deh point black range deh murai dishey.
Murder case laga thik peche deh, Tripura Police ba duita manu kan ke arrest kurishey, tadey maiki ekta bi thakishey duijun arrest kura majot deh. Taikan ke olop peche deh Police remand maney court phasela nohona tak jail deh thakibo May 07 tak.
Olop peche deh Tripura Police laga team ekta, West District Additional Superintendent of Police (Urban) Chiranjib Charkraborty ba lead kurina West Bengal jaishey aro third manu ke Kolkata ba arrest kurishey.
Taike Agartala ba aji morning anishey aro police remand seek kuriwo taike court laga agey pesh kura peche deh.
Chief Judicial Magistrate Court of West District ba duita manu ke, tadey maiki ekta ke milaina remand kurishey, aro police custody deh May 7 tak rakina ase etu Durga Prasanna Deb, urf tailaga nickname Viki laga murder case deh. Tai toh Bharat Ratna Sangha club, Agartala deh serve kurishey.
Etu Bharat Ratna Sangha Club toh Tripura laga sobse dangor social club ase.
Advocate Indrajit Biswas ba India Today NE deh kota koina koishey ki etu ghatna toh April 30 deh Sal Bagan area, Hati Para laga osor deh huishey. Tadey Durga Prasanna Deb ke point-blank range deh guli maridishey.
“May 1 deh Tripura Police ba ekta manu naam toh Pradyot Dhar Chowdhury (65) ke arrest kurishey. Teen din police custody deh rakhina,taike Chief Juidical Magistrate Saikat Das laga osor deh pesh kurishey. Interrogation kura time deh police ba ekta maiki laga etu case deh involve thakishey kuina janishey, taila naam toh Sushmita Sarkar (22), ase aro tai toh Agartala laga Bhubanban jaga laga thaka manu ase koishey.” enaga advocate ba explain kurishey.
Add Comment