DY CM para proposal tho time deh submit kuri b kui shae

September 19, 2024: Deputy Chief Minister aro minister in-charge of Planning & Transformation Department T.R Zealiang para AHODs aro HODs kan lokot deh developmental activities laka meeting keh address kura time deh, sob departments kan keh proposal tho time deh submit kuri b kui shae. Tai para department kan keh Calendar of Action for Developmental Activities 2024-25 deh taka timeline keh follow kuri b kui shae, kuto Planning & Transformation Department para issue kuri shae. Tai para departments kan taikan laka proposals kan submit kuri bole baji nah ase kui shae, sob developmental activities karne. Zealing para aha Financial year deh, departmental programmes laka timely submission tho kuri bo lakeh kui shae. Planning commission kan programs tho bhal para sabo leh time taki bo karne. Zeliang para kun bah departments kan taikan laka information kan deri submit kuri ase kui shae. Tai para kun bah departments kan keh bishi par yat dilai nah b submission tho deadline kotom hua piche deh heh di ase kui shae. Zeiliang para sob departments kan keh taikan laka Data Management System tho streamline kuri b kui shae, queries aro information kan tho time deh jawab dibo karne. Deputy Chief Minister para State laka development karne working system keh transform kuri bole lakeh kui shae aro State Government laka sob departments kan keh cooperation aro active participation taki bo karne mati shae. Review meeting tho Commissioner & Secretary Kitto Zhimomi para chair kuri shae aro Head of Departments aro Administrative Heads of Departments kan para attend kuri shae.