GUWAHATI: Meghalaya laga East Khasi Hills district te tui(2) din pithor te te Covid-19 bemar para 21 manuh mora khobor paishe. District te manuh mora aro bemari cases besi otha nemite , administration para hoshari neum janai thikena Covid-19 bemar symptoms thakile joldi te symptoms toh test koriboli janaishe. “district te Covid-19 cases aro manuh mora besi othi thaka nemite, general public khan ke jodi sign thakile Covid-19 symptoms toh jaikena joldi khobor thikena test loboli koishe,” koikena East Khasi Hills DC Isawanda Laloo para hoshari neum janaishe. 21 manuh mora pithor te, 11 jun toh rural jaga para ase aro dosura 10 jun manuh toh district laga urban jaga para ase koikena khobor para janaishe. Mora pithor te 19 jun toh vaccine naloikena thakishe aro tui(2) jun manuh toh kali ekta dose loikena thakishe. Laloo para aro janaishe ke, symptoms thakina 48 gonda beche 15 jun toh hospital te loikena ahishe aro etu oper te 6 jun toh symptoms thakina 5 din beche te hospital te anishe aro 12 manuh toh 5 din hospital te boha beche mora ase.” Koikena tai para khobor toh janaishe.
East Khasi Hills te 48 gonda samai Covid para 21 jun morishe
