New Delhi: Saturday din te Election Commission para East Delhi Returning Officer ke adesh dishe ke tai khan para BJP candidate Gautam Gambhir khilaf te FIR file kuribole lage. Gautam Gambhir toh East Delhi te agiya (permission) naloi kena rally kurishe.
Electoral body koishe ke cricketer-turned-politician toh April 25 te Delhi laga Jangpura te agiya (permission) naloi kena rally kurishe. Gambhir khilaf te Delhi Police Act te non-Cognizable khobor dishe.
Etu kotha toh East Delhi te Aam Aadmi Party (AAP) candidate Atishi Marlena para Gambhir khilaf te criminal complaint dishe. Tai para koishe ke electoral rolls te Gambhir laga duita naam paishe.
Atishi laga office para press statement te koishe ke Tis Hazari Court te Representation of the People Act laga section 155 (2) nichete complain file kurishe. Gambhir laga ghuna (offence) te police ke puchtach kuribole koishe. Etu ghuna (offence) toh Representation of the People Act nichete te thaka Sections 17, 31, 125A te sazaa dibole koi kena ase.
Delhi laga saatha Lok Sabha seats khan toh stake te ase. Lok Sabha elections laga sixth phase toh May 12 te hubole ase. Votes ginati toh May 23 te hubole ase.
Add Comment