MORBI / BALRAMPUR: Friday din te duita alak alak accident te 14 manu murishe aro dusra 16 manu khan jokom hoishe. Accidents toh Gujarat laga Morbi jaga te hoishe aro Chattisgarh laga Balrampur district te hoishe.
Police koishe gari-gari laga nimite choita manu murishe. Gari toh Gujarat laga Morbi jaga te jai thakishe.
Sources koishe ke police khan bachabole nimite accident jaga te pungchibole kosis kurishe. Hoile bhi police khan pungcha samay te gari te thaak choita manu khan toh muri jaishe. Laash khan ke osor jaga laga hospital te postmortem nimite loi jaishe.
Dusra accident Chhattisgarh laga Balrampur district te aatha (8) manu murishe. Aro dusra 16 manu khan jokom hoishe. Etu manu khan bhuhi kena thaka pick-up van toh Amera bosti te jai thaka samay te accident hoishe.
Ghatna huwa olop samay pichete police khan rescue operation nimite pungchishe.
Additional Superintendent of Police Surguja koishe accident huwa jaga te saatha manu khan murishe. Ekta toh hospital te muri kena anishe. Sawal huda samay te passengers koishe driver toh nissa khai kena thakishe. Police koishe ke tai khan puchtach kuri ase ke driver toh nissa khai kena ase na nai.
Jokom huwa manu khan ke Ambikapur district hospital te treatment kuri ase. Etu accident opor te FIR register kurishe.
Add Comment