May 6 2024: Monday din, Ranchi laka alak alak jaka deh Enforcement Directorate para raids kan conduct kuri shae. Sanjiv Lal, kun Jharkhand rural development minister Alamgir Alam laka personal secretary ase, tai laka hath para poisa bishi recover kuri shae, etu tho Virendra Ram case laka connection deh ase.
ED laka sources kan para taikan seized kura poisa tho kinti kuri ase kui shae precise amount tho determine kuri bole, kuto Rs 20-30 crore hobo pare kui nah estimate kuri ase. Bishi wak poisa kan tho Rs 500 denomination deh ase aro authorities kan para etu lokot deh jewelry kan b recover kuri shae, PTI para report kuri shae.
Alam, 70, tho ekta prominent Congress leader ase kun Jharkhand assembly deh Pakur constituency keh represent kureh. ED kan Jharkhand laka rural development department pitor deh alleged corruption investigate kuri ase aro progress b banai nah ase. Virendra Ram, department laka chief engineer keh February 2023 deh arrest kuri shae ekta money laundering case deh. Case tho government schemes laka implementation deh suspected irregularities ase kui nah, etu lokot deh linked ase.
