May 6, 2024: Lok Sabha polls laka third phase, kuto 93 seats karne ase, 10 States aro union Territories deh, etu laka agae deh National Democratic Alliance (NDA) aro Opposition, tuita b upbeat ase kui nah diki ase. Tuita side para b seven phase laka first two phase deh tho bhal kuri shae kui nah claim kuri ase. Congress leader Rahul Gandhi para Bharatiya Janata Party (BJP) kan tho Constitution change kuri bole plan ase kuia se. Gandhi, tai lokot deh Constitution laka ekta pocket size copy dureh takeh, taila claim tho emphasize kuri bole. BJP kan etu karne 400 seats seek kuri ase kui nah.
Telangana laka Nirmal deh election rally ekta address kura time deh, Gandhi para ongoing election tho tuita ideologies majo deh ekta contest ase kui shae. Kuteh Congress kan Constituion keh baja bole koshish kuri ase aro BJP kan tho kotom kuri bole bisari ase. Tai para Prime Minister Narendra Modi tho reservation laka against ase kui shae aro hata bole mun jai ase kui shae. Gandhi para Congress kan keh power deh ani shae koile tho, quotas tho 50% cap laka upor deh uthai di bo kui shae.
Alak kobor deh Congress kan Sunday din deh, BJP chief JP Nadda aro tuita alak leaders laka against ekta case file kuri shae, ekta animated video karne/ BJP laka Karnataka unit para ekta clip post kuri shae X deh, kuteh Rahul Gandhi tho Muslims kan keh fund di taki shae. Congress para BJP kan tho etu video chulai nah tuita communities majo deh jakara promote kuri bole koshish kuri ase kui shae.
