AIZAWL, OCTOBER 21 : Nagaland Governor Shri PB Acharya pora Education toh khali Degree lobole kura ekela kehi koa nahui. Etu karne etu Degree ekela hi lui kena Education toh huise koi kena babuna nakuribi. Ulta Education toh ami kan jeevan te ekta bhal kam kuridebole karne kura laga ase. Etu karne Education toh bhal te sheki kena aro jani kena neju nemite rakhibole lagi koi kena janaise. Etu kotha kan janaidiya toh 2 din International Seminar mana time te janaidiya laga ase. Etubi L Biakliana, ahke Mizo Novelist, Government Saitual College, Mizoram laga junum din te mana time te. Aro etu din mana toh 18th October 2018 te mana laga ase. Aro etu din te tai (Governor) toh Chief Guest nemite ahe kena thakise koise.
Governor Acharya porabi etu Mizo Reformer L Biakliana laga bhal kam kan toh (achievement) toh ahkete bhal te luijabole kuribi koi kena janaise. Kele etu porahi ahebole laga Generation kan ke bhal rasta dekhaidiya hobo. Aro etu pora ami kan desh ke ekta bhal kam ahkete anedebole kura hobo koi kena janaise.
Tai bi Gender Equality, Women Empowerment aro ekta nemite hi ahe kena bhal te ekjun-ekjun ke mon melekena ahkete jabole kuribi koi kena janaise. Etu oporte etu din te PB Acharya porabi 3 ta kitab (books) ulaidese. Etubi ‘The Seminar Handbook’, ‘Zir-Ang-Aw’, ‘Let-Us-Learn’, ‘Hum-Sikhe’ aro ‘Zacham Par-Chhuang’ koi kena thaka kitab kan.
Etu din te bi Special Guest nemite Principal Secretary, Government of Mizoram laga Shri Lalnunmawia Chuango ahe kena thakise. Aro tai bi etu L Biakliana laga bhal kam kan laga kotha janaide thakise. Aro tai nesena Youth kan bi bhal te kam kurikena ahkete neju nemite ahebole kuribi koi kena janaise.
Etu Internation Seminar toh Department of Mizoram, Mizoram University, Mizo Academy of Letter (MAL), Govt. Saitual College aro Saitual Literature Club kan melekena ula laga ase. Aro etu din te Mizoram University, ICFAI University, Champhai College, Saitual College laga Renowned Scholars aro United Kingdom aro Myanmar laga Dignitaries kan ahe kena thakise koise.
Add Comment