KOHIMA, OCTOBER 21 : Nagaland Judicial Officers’ Association (NJOA) kan tai kan laga 16th General Conference toh Conference Hall, Gauhati High Court, Kohima Bench te manaise. Etubi 20.10.18, 10:00 am paji phale pora. Aro etu din te Chief Guest nemite Honourable Mr. Justice Zelre Angami, Judge, Gauhati High Court (Rtd) ahe kena thakise koise.
Etu din te kotha kurikena etu Chief Guest pora Judiciary toh kinika ami kan ke bhal laga ase aro etu Judiciary toh kinika kam juli etu kan nemite bhal kotha janaise. Aro Supreme Court pora All India Judges Associations Vs Union of India laga kotha janaidiya hisabte kotha janai kena etu Chief Guest pora Judicial Service (Kam) toh kam (Employment) laga hisabte ahele asulte toh kam (Service) nahui. Aro etu Judges kan toh kam kura manu (employees) nahui koi kenajanaise. Huilebi tai kan Judges kan toh State te ekta Sovereign Judicial Power thaka manu ase aro kam jula manu ase. Aro tai kan bi Council of Minister aro Legislative kan laga members nesena Public Office nemite kam julai kena ahkete luijaa kan ase koi kena janaise.
Etu Chief Guest porabi etu Supreme Court pora kotha janaidiya nesena ami kan India laga Constitution bitorte Judiciary toh Administrative Esecutive oporte thaka laga ase koi kena janaise. Aro kun etu Adminsitrative te Judiciary toh eke nesena anedebole kurise nahuile anedese koile etu ke kotha thik kuridebole lagi koi kena janaise. Tai bi State te Judicial Officers kan kam jula time te sob khola-kholi aro mon sabha pora kam julabole kuribole lagi koi kena janaise.
Etu din te bi Presidential Address toh Mr Neiko Kanuo, President NJOA pora kuridese. Short Speech toh Mrs Mezivolu T Therieh, NJS aro Wokono Yhoshu, Member, NJOA pora kuridese. Aro etu din laga Programme toh Mrs Yarenjungla Longkumerm, NJS pora ahkete luijaide kena manaidese koise.
Add Comment