Florida, 19 October : Florida laga medical fraternity maju dey jinti uthi asey potentially lethal bacterial species laga cases uthi thakia karoney. Newsweek report hisab dey, itu microorganism toh focus dey Vibrio bacteria asey kuntu warm coastal paani khan dey pawo parey Gulf states aas paas dey. Centres for Disease Control (CDC) para data ulaina, itu outlet kuishey ki Vibrio bacteria para estimated 80,000 infections ulai dey US dey hotai saal. Bhui asey ki Florida piche dey, itu bacteria toh US jagah khan dey bhi pheli jawo.
Itu bacteria para ulai dia laga bimari bishi pak toh mild nahuiley severe diarrhea asey aro alag gastrointestinal diktari. Huilewi ekta species, Vibrio vulnificus, para life-threatening infection ulai diwo parey, kutey infected thakia 5 jun maju dey 1 jun muri asey tui din pitor dey.
“Vibrio vulnificus toh ekta biya wala asey aro itu ke treat nakurina chari diley aro systemic jailey itu para manu muribo parey,” Rita Colwell, ekta distinguished professor, University of Maryland Institute for Advanced Computer Studies dey, kuishey Newsweek dey. Tai Vibrio ke jaa 50 saal karney purishey.
“Vibrio vulnificus toh ekta biya wala asey aro itu ke treat nakurina chari diley aro itu systemic jaishey itu fatal huwo parey,” kuishey Professor Colwell.
“Itu bacteria para podun laga tissues pitor jai aro kitiaba toh itu maanu khan laga jaan pachawoley ekta upai toh taikhan jaath theng kati diwo lagi jai,” Tai halishey.
Professor Colwell para manu khan ke hoshiyar thakiboley kuishey aro julti doctor logor jawoley kuishey eku infection huiley itu samundar dey time pitaina. Itu ke julti detect kuri luiley, Vibria infections toh antibiotics para bhaal kuribo paribo, tai halishey.
Add Comment