UK, 19 October : British Prime Minister Rishi Sunak, kun aji Israel dey asey Middle East dey tui din visit karoney, tai kuishey ki tai para Israel laga “nijor ke defend kurina Hamas khilaf jaa toh” support kurey.
Tai Israel dey visit kuria toh US President Joe Biden piche dey jaishey kitia duniya laga leaders khan efforts hali asey Hamas laga khilaf ghatna thakia toh bishi region dey jawoley rukhawoley, Israel ke October 7 dey Hamas para attack kuria piche dey.
Mr Sunak, ekta joint conference adress kurina Israel Prime Minister Benjamin Netanyahu logot, kuishey, “Mui jaani asey ki tui para civilians ke jokhum nakuriboley sob kaam kuri asey, Hamas nishina nahoina. British citizens ke evacuate kuria karoney dhanuobad.”
Itu British PM halishey, “Muikhan dikhi pai asey ki Palestine bhi Hamas laga victim asey. Khushi asey tui para humanitarian aid karoney jagah khuli dia toh.”
Mr Sunak laga visit toh ahishey kitia alag European leaders bhi eki nishina tours luoshey Middle East laga Western unity dikhawoley karoney.
US, UK, Germany, France aro Italy para Quint kuina thakia laga ekta part panai, ekta diplomatic collective kun para Hamas laga action khilaf ekta united front present kurishey Israel aro Gaza dey.
Add Comment