NATIONAL | July 21, 2019:Ekta hadsaa huwa te ekta 19 sal chokra para tai laga saathi ke tai laga maiki ke balaatkar kuribole koishe tai etu maiki ke chara chari hoikena tai bhal paa maiki logote thakibole nimete .
Etu maiki laga kin para ekta FIR kurishe etu complainant koishe tai laga mota toh tai ke charidishe tai laga saathi logote Chhatisgarh laga hotel te balaatkar kuribole nimete .Tai para etu uporte tai ke duita stamp paper te sign kuribole dishe ekta toh divorce nimete aro dusra toh rapist logote shaadi kuribole nimete .
Etu victim kuwa hisaab te etu duijun toh 40 din nishena shaadi kurikena thakishe tai laga mota Kabirdham district te thaka Kailash (name changed),tai ke Kawardha laga town te luijaishe tai ke Aadhaar card dibole nimete .
Tai para etu maiki ke duita stamp paper sign kuribole dishe aro tai ke hotel te luijaishe etu te tai laga saathi kamal rukhi thakishe .Kailash tai laga maiki ke charidishe hotel te aro wada kurishe wapas ahibole nimete .
Tai nathaka time te Kamal etu maiki ke balaatkar kurishe.Etu hadsaa huwa pichede Kailash tai laga maiki ke tai laga ama baba laga ghor te rakhidishe.Etu hadsaa janaa toh olop akhe dinte kamal etu jaka te ahise stamp paper logote aro koishe etu maiki toh tai laga maiki ase koikena janaishe.
Etu pichede locals khan elders khan laga saamne te Kailash para etu maiki laga character uporte kotha kurishe aro mananai etu maiki ke wapas lobole nimete .Tai koishe tai para tai laga maiki aro kamal ke Kawardha laga park te dikhaishe aro bhabona kurishe etu duijun sambandh te ase koikena .
Aro etu uporte Kamal para koishe tai kurishe kile koile toh Kailash para tai laga modot mangishe etu maiki ke charibole nimete dusra maiki logote thakibole nimete .
Sections 376 (rape), 120 (criminal conspiracy) aro 34 Indian Penal Code bithor te etu maiki laga ghor manu para fir kurishe aro police khan para Kailash aro Kamal ke thurishe.
Add Comment